عندك سؤال في المطبخ ومحتاره { إسألي ونجاوبكــ }

أولاً مطبق سمك زبيدي



هذه طريقة المطبق الزبيدي الكويتي الأصلي ..

الطريقه

نوع السمك : زبيدي

العدد : 3

نبدأ بسم الله ..

1- نغسل السمك من كل الشوائب .

2- نعصر عليه ليمون و نرش عليه ملح

3 - حشوة السمج :

( 2 بصل كبير ، 2 ثوم ، كزبرة ، بقدونس ، شبنت ، بهارات السمك ( مشكله ) ) طبعا نقصصهم صغار صغار وندق الثوم ونحط نص الكميه حشوة داخل السمج ومن برى ونصها نخشه لبعدين الحشو فوق العيش ..




- الآن بنسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف

5- نخيط السمك من الجانب الذي حشيناه حتى ان قليناه ما تطلع الحشوة حتى يثبت الحشوه داخل وبعدين نحط زيت على النار تقريبا نص المقلى ونطبق المقلى ونعلي على النار حتى يسخن الزيت عقب نقلي السمك حتى يتحمش الطرف الاول ونقلبه على الطرف الثاني بعد مايخلص نكرر العمليه على عدد السمك اللي عندنا حتى نطفي النار ونحفظ السمك بمكان دافي ..



- الحين نقلي الحشو ( للعيش ) نحط البصل على المقلى بدون زيت ونقلبه على النار وبعدها نضيف شويه ماء حتى يتحمش يصير لونه بني بعده نضيف الثوم + نص قطعه زبده + لومي اسود مطحون + بهارات مشكله + رشه هيل + ملح على قد اليد + كزبره + شبنت اللي جهزناهم بخطوة رقم 4 + نضيف الحشوو السمك اللي خاشين نصه في البدايه مع حشو العيش ونخلطهم كلهم مع بعض بالمقلى حتى يصير لونه حلووو مثل الصوره ونقفل على النار ونطبقه ..




7- الحين نسوي الداقوس نحط قدر الداقوس على النار نحط فيه نص زبده على النار و نقص 5 طماط قطع صغيره جدآ ونحطه + ندق 4 فصوص ثوم+ فلفل بارد + لي طبخ نحط 4 فصوص ثوم مقصوصه نصين للنكهه + كمون (بهارات ) + كزبرة ( بهارات ) + بهارات مشكله + نضيف ماء بالقدر + نضيف ملح على قد اليد +نضيف معجون ملعقتين تقريبا .




8 - نحط 5 اكواب عيش ونغسله وبعدين ننقعه نص ساعه وبعدين نحط قدر متوسط فيه ماء متروس وليمونه وحده نقصها نصين +نص زبده + وقفشة ملح يطبخ شوي بعدين نضيف عليه شويه زيت

9- نحط قدر ثاني كبير اول شي نحط فيه نص بصله مقطع صغار + فلفل بارد أي لون سواء اصفر اخضر احمر انا انوجد عندي الاحمر+ ملح + ثوم + زيت + حشوة اخر ما تبقى من حشوة السمك بعدين نحط السمك فوقه القدر سمح لي احط سمكتين فوق الحشوو بعده نحط العيش (الأرز) بعد نصفي الماء منه وهو نيّ وبعدين نحط الماء اللي بالقدر الثاني اللي فيه الليمون والزبده نحط منه كميه فوق العيش (الأرز) حتى يغطيه ويكون الماء مرتفع بأصبع تقريبا عن العيش (الأرز) ونطبقه ونخليه يطبخ بدرجه حراره مرتفعه .. بعد ماينشف شوي العيش (الأرز) نحط فوقه الزبده




وكل ما حسينا انه نشف زدنا عليه ماء العيش (الأرز) اللي بالقدر الثاني .. وبعده نحط اخر سمكه عندنا بعد مايجف العيش وينجح .. ونجهز صحن نضع به الأرز وبعده السمك ونحط الحشووو اللي مجهزينه للعيش (الأرز)



وبالعااااافيه
صراحه ما اشتهي آكله هع << من سألك الحين هههه
الموضوع منقول لعيونكم

يسمى محمر لأن الرز لما يقدم مع السمك لازم يكون لونه مايل للأحمر

المقادير المطلوبة والمواد:
نوع معين من الاسماك الخاص للشوي مثل الفسكر او الحمام او البياح او سمك قرقفان او السبيطي –ملح بهارات مخلوطة – ثوم – جلجلان مقطع-ليمون قطع –كمون.

الطريقة:
قومي بتنظيف السمك لا تنزعي القشور – ملحي السمك واحشي بطنها بالخلطة التالية – بهارات مشكلة وجلجلان والثوم وملح وليمون مقطع وكمون – اشوي السمك على الفحم .

لعمل الارز :
كوبان من السكر( يمكن استخدام دبس التمر بدل السكر ) – ثلاث اكواب من الرز البسمتي – 2 بصل مفروم ناعم – زيت نباتي – دهن عربي

الطريقة :
يغسل الارز وينقع في الماء( حوالي ساعتين ) مع اضافة قليل من الملح - يحمر السكر الى ان يصبح لونه احمر قاني – يضاف اليه مقدار الماء – يضاف الارز الى الماء المغلي – دعي الارز يغلي الى ان ينضج -صفي الماء من الارز في مصفاة بعد ان ينضج الارز- تحتاجين تقريبا الى عشر دقائق لغلي الارز –الان في قدر ضعي قليلا من الزيت واضيفي الارز الى القدر – غطي القدر واتركية على نار هادئة جدا الى ان ينضج الارز-حمري البصل في الزيت واضيفية الى الارز.

للدقوس :
جلجلان مفروم ناعم – 3 فصوص ثوم – نصف كوب ليمون حامض –ملح –3 فلفل حار –زيت

الطريقة:
ضعي الفلفل والثوم والجلجلان في الخلاط واخلطيهم جيدا – ضعي الخليط في صحن واضيفي اليه الليمون والملح وقليلا من الزيت.

بالعاااااافيه
هذا ممكن آكله << بالعافيه على قلبي ههههه
منقووول لعيونكم بس مالقيت الخطوات مصوره وما طبخته هع